អំពើរជួញដូរ និង រត់ពន្ធមនុស្ស យ៉ាងគគ្រឹកគគ្រេង នៅស្រុកសំពៅលូនចំណុចច្រករបៀង៩៩៩ ក្នុងភូមិសាស្រ្តគីឡូ១៣
ចេញផ្សាយថ្ងៃចន្ទ ១០ កើត ខែភទ្របទ ឆ្នាំខាល
ចត្វាស័ក ព.ស ២៥៦៦
ត្រូវនឹងថ្ងៃទី៥ ខែកញ្ញា ឆ្នាំ២០២២
ដោយ៖ការិយាល័យនិពន្ធនាយក
គេហទំព័រ ម្សិលមិញ ថ្ងៃនេះ
www.ytn-news.asia
ខេត្តបាត់ដំបង៖សេចក្តីរាយការណ៍ពីប្រជាពរដ្ឋ បានទម្លាយ រូបភាពជាច្រើនសន្លឹកឲ្យដឹងថា ករណីរត់ពន្ធមនុស្សឆ្លងដែនចូលទឹកដីថៃ តាមព្រំដែន យ៉ាងគគ្រឹកគគ្រេង នៅស្រុកសំពៅលូន ខេត្តបាត់ដំបង ។ នាថ្ងៃទី០៤ ខែកញ្ញា ឆ្នាំ២០២២
ប្រភពបានប្រាប់សារព័ត៌មានដឹងថា នៅចំណុចច្រករបៀង៩៩៩ ស្ថិតក្នុងភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង មានករណីរត់ពន្ធ មនុស្ស ឆ្លងដែនចូលទឹកដីថៃ តាមព្រំដែន យ៉ាងគគ្រឹកគគ្រេង ។
ប្រភពបានបន្តដឹងទៀតថា ករណីរត់ពន្ធមនុស្ស ឆ្លងដែនខុស ច្បាប់ឃើញមានពលករ លួចឆ្លងដែន ត្រូវបានដឹកនាំដោយមេខ្យល់ និងមានការបើកដៃពី សមត្ថកិច្ច តាមបន្ទាត់ព្រំដែន ជាថ្នូរដោះដូរដោយប្រាក់ ។ ប្រិយមិត្ត អ្នកអានទាំងអស់យើងក្រឡេកមើលច្រកទ្វារអន្តរជាតិគីឡូ១៣(ហៅភ្នំដី)ដែលកម្លាំងនគរបាលអន្តោរប្រវេសន៍ប្រចាំការរងចាំបំពេញបែបបទជូនបងប្អូនប្រជាពលរដ្ឋ សំរាប់ឆ្លងដែនចេញចូលប្រទេសថៃ។ ប៉ុន្តែអ្វីដែលបងប្អូនប្រជាពលរដ្ឋ មិនអនុវត្តតាម ការណែនាំ ថែមទាំង នាំគ្នាឆ្លងដែនដោយខុសច្បាប់តាមអូរកាត់ព្រៃ ដែលបណ្តាលឲ្យមានបញ្ហាជាយៈថាហេតុផ្សេងៗ ដោយនឹកស្មានមិនដល់ ។
ប្រភពបានបញ្ជាក់ថា ប្រជាពលរដ្ឋ ខ្លះ មកពីក្នុងស្រុក និងខ្លះមកពីក្រៅស្រុក ដែលភាគច្រើន ជាពលករចំណាក់ស្រុក។ កន្លងមក ក្រសួងមហាផ្ទៃបានឲ្យដឹងថា អាជ្ញាធរកម្ពុជាបានជួយសង្រ្គោះជនបរទេស និងប្រជាពលរដ្ឋកម្ពុជាជាច្រើននាក់ ចំណាកស្រុក និងឆ្លងដែន ដោយខុសច្បាប់ ដែលត្រូវបានរាយការណ៍ថាជាជនរងគ្រោះដោយអំពើរជួញដូរនិងរត់ពន្ធមនុស្ស នេះបើយោងតាមសេចក្តីអំពាវនាវរបស់សម្តេចក្រឡាហោម ស ខេង រដ្ឋមន្រ្តីក្រសួងមហាផ្ទៃ ដែលត្រូវបានចុះថ្ងៃទី ២៦ ខែសីហា ឆ្នាំ ២០២២៕