ពិតជាហ៊ានមែនទីតាំងហាងលក់កាហ្វេមួយកន្លែងក្លាយទៅជាសំបុកល្បែងជល់មាន់អនឡាញតាមកុំព្យូទ័រ…!!!
សៀមរាប៖ពលរដ្ឋរាយការណ៍ថាហាងលក់កាហ្វេមួយកន្លែងក្លាយទៅជាសំបុកល្បែងជល់មាន់អនឡាញតាមកុំព្យូទ័រ
នៅក្នុងភូមិសាស្ត្រទឹកដីមហានគរក្រុងសៀមរាបយ៉ាងគគ្រឹកគគ្រេង សង្ស័យអាជ្ញាធរមានសមត្ថកិច្ច សង្កាត់ / ក្រុងបើកភ្លើងខៀវឲ្យម្ចាស់ទីតាំងខាងលើនេះហើយទើបហ៊ានបើកលេងបានយ៉ាងរលូនដូច្នេះ។
ប្រភពពីពលរដ្ឋក្នុងមូលដ្ឋានបានឱ្យដឹងថា ល្បែងជល់ មាន់តាមប្រព័ន្ធអនឡាញមានទីតាំងស្ថិតនៅផ្លូវផ្ទះតាអុជ ក្រោយផ្សារលើ ស្ថិតនៅក្នុងភូមិដកពោធ័ិ សង្កាត់សាលាកំរើក ក្រុងសៀមរាប ខេត្តសៀមរាប
បើតាមការរៀបរាប់ពីបងប្អូនប្រជាពលរដ្ឋដែលរស់នៅក្បែរថាពីមួយថ្ងៃមួយថ្ងៃឃើញតែអ្នកញៀនល្បែងទាំងនោះនាំគ្នាភ្នាល់លេងយ៉ាងសប្បាយរីករាយជា រៀងរាល់ថ្ងៃដោយពុំមានការរំខានដល់សមត្ថកិច្ច មូលដ្ឋានឡើយ។
ក្រុមការងារខាងអង្គភាព គេហទំព័រ [ម្សិលមិញថ្ងៃនេះ]បានព្យាយាមទាក់ទងរាយការណ៍ជូនទៅលោកមេប៉ុស្តិ៍សង្កាត់សាលាកំរើកតែទូរស័ព្ទជាប់រវល់រហូត រីឯលោកអធិការក្រុងក៏ទូរស័ព្ទជាប់រវល់ដែរ។
ពាក់ព័ន្ធល្បែងសុីសងរសម្តេចតេជោ ហ៊ុន សែន នាយករដ្ឋមន្ត្រីធ្លាប់បាន ចេញបទបញ្ជាឱ្យអាជ្ញាធរនិងសមត្ថកិច្ច គ្រប់ជាន់ថ្នាក់ត្រូវរួមគ្នាធ្វើការបង្ក្រាបឱ្យអស់។
ពលរដ្ឋបានដាក់ការសង្ស័យទៅលើមន្ត្រីក្នុងមូលដ្ឋានឃុបឃិតគា្នជាមួយម្ចាស់ទីតាំងខាងលើនេះហើយមើលទៅ ទើបបានជាបើកឲ្យលេងល្បែងបានយ៉ាងរលូនហ្នឹងក្នុងខណ:ពេលដែលល្បែងស៊ីសងត្រូវបានបិទទូទាំងប្រទេស
ល្បែងទាំងនេះបង្កើតឲ្យមានបញ្ហា អសន្តិសុខដូចជា ចោរលួច ឆក់ ប្លន់ អំពើហិង្សាក្នុងគ្រួសារ។ល។
ពលរដ្ឋសំណូមពរដល់ឯកឧត្តមសន្តិបណ្ឌិត សុខ ផល គណ:កម្មាធិការគ្រប់គ្រងការបង្ក្រាបល្បែងទូទាំងប្រទេស ជាពិសេសលោក តេង ចាន់ណាត ស្នងការ នៃស្នងការដ្ឋាននគរបាលខេត្តសៀមរាប សូមលោកមានវិធានការក្តៅនិងអនុវត្តតាមអនុសាស្រ្តរបស់សម្តេចតេជោផងទាន។
ដើម្បីស្របតាមគោលនយោបាយភូមិឃុំមានសុវត្ថិភាពរបស់ប្រមុខរាជរដ្ឋាភិបាលដែលដាក់ចេញដោយក្រសួងមហាផ្ទៃ។
ការិយាល័យយើងខ្ញុំរង់ចាំសេចក្តីបំភ្លឺ ពីលោកមេប៉ុស្តិ៍ និងលោកអធិការ រាល់ម៉ោងធ្វើការ៕