ឯកឧត្តមបណ្ឌិត ទូច វណ្ណៈ អញ្ជើញសំណេះសំណាល និងប្រគល់អំណោយឯកឧត្តម ស សុខា និងលោកជំទាវ នៅវត្តកោះប្រាក់

ចេញផ្សាយថ្ងៃព្រហស្បតិ៍ ១១ កើត ខែផល្គុន ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២ ខែមីនា ឆ្នាំ២០២៣
ដោយ៖ការិយាល័យនិពន្ធនាយកគេហទំព័រ ម្សិលមិញ ថ្ងៃនេះ

ខេត្តកណ្តាល ៖ នៅរសៀលថ្ងៃទី០១ ខែមីនា ឆ្នាំ២០២៣ នេះ ឯកឧត្តមបណ្ឌិត ទូច វណ្ណៈ ប្រធានសមាគមសម្ព័ន្ធសារព័ត៌មានឯករាជ្យ និងព្រះវិជ័យញាណ យុង កុសល អនុប្រធានក្រុមប្រឹក្សាភិបាល ទទួលបន្ទុកប្រធានសមាគមសម្ព័ន្ធសារព័ត៌មានឯករាជ្យ ខេត្តកណ្តាល បាននិមន្ត និងអញ្ជើញចុះធ្វើសកម្មភាពនៅវត្តកោះប្រាក់ ស្ថិតក្នុងឃុំភូមិធំ ស្រុកកៀនស្វាយ ចំនួន ៣ ដូចខាងក្រោម ៖

១/. ប្រគល់អំណោយឯកឧត្តម ស សុខា ប្រធានកិត្តិយសសមាគមសម្ព័ន្ធសារព័ត៌មានឯករាជ្យ និងលោកជំទាវ ជាគ្រឿងឧបភោគ-បរិភោគ និងថវិកា ជូនដល់ពលរដ្ឋជួបការលំបាកផ្នែកជីវភាព ចំនួន ៦គ្រួសារ។

២/. សំណេះសំណាល និងធ្វើបទបង្ហាញអំពីសមាគមសម្ព័ន្ធសារព័ត៌មានឯករាជ្យ ប្រគេនដល់ព្រះសង្ឃ និងថ្នាក់ដឹកនាំសមាគមសម្ព័ន្ធសារព័ត៌មានឯករាជ្យ ខេត្តកណ្តាល។

៣/. ប្រគេនទេយ្យទានឯកឧត្តម ស សុខា ប្រធានកិត្តិយសសមាគមសម្ព័ន្ធសារព័ត៌មានឯករាជ្យ និងលោកជំទាវ រួមមាន ៖ កាហ្វេសុខភាព និងសាប៊ូ ដល់ព្រះសង្ឃ ចំនួន ១៥អង្គផងដែរ៕

អត្ថបទ ៖ សេង បូលីន
រូបភាព ៖ ទឹម ស៊ីវឿន