ពិធីប្រកាសសមាសភាពក្រុមប្រឹក្សាពិគ្រោះយោបល់ និងពិសាអាហារសាមគ្គី របស់សមាគមសម្ព័ន្ធសារព័ត៌មានឯករាជ្យ (IPA)

ពិធីប្រកាសសមាសភាពក្រុមប្រឹក្សាពិគ្រោះយោបល់ និងពិសាអាហារសាមគ្គី របស់សមាគមសម្ព័ន្ធសារព័ត៌មានឯករាជ្យ (IPA)

ចេញផ្សាយថ្ងៃពុធ ១១កើត ខែមិគសិរ ឆ្នាំរោង
ឆស័ក ពុទ្ធសករាជ ២៥៦៨
ត្រូវនឹងថ្ងៃទី១១ ខែធ្នូ ឆ្នាំ២០២៤
ដោយ៖ ការិយាល័យ និពន្ធនាយក គេហទំព័រ ម្សិលមិញ ថ្ងៃនេះ

រសៀលថ្ងៃទី១០ ខែធ្នូ ឆ្នាំ២០២៤ សមាគមសម្ព័ន្ធសារព័ត៌មានឯករាជ្យ (IPA) បានរៀបចំពិធីប្រកាសសមាសភាពក្រុមប្រឹក្សាពិគ្រោះយោបល់ និងពិសាអាហារសាមគ្គី ក្រោមអធិបតីភាពលោកបណ្ឌិត ទូច វណ្ណៈ ប្រធានសមាគមសម្ព័ន្ធសារព័ត៌មានឯករាជ្យ និងលោក ឡុង ឆ័យណាវ ប្រធានក្រុមប្រឹក្សាពិគ្រោះយោបល់ នៅសណ្ឋាគារភ្នំពេញ។

ក្នុងឱកាសនោះដែរ ក៏មានការអញ្ជើញចូលរួមពីលោក លោកស្រី នាងកញ្ញា ជាថ្នាក់ដឹកនាំគណៈកម្មាធិការប្រតិបត្តិ អនុប្រធាន និងសមាជិក សមាជិកានៃក្រុមប្រឹក្សាពិគ្រោះយោបល់ និងចាងហ្វាងសារព័ត៌មាន ជាសមាជិកសមាគមសម្ព័ន្ធសារព័ត៌មានឯករាជ្យ សរុបប្រមាណ ១២០អង្គ/នាក់។

បើយោងទៅតាមសេចក្តីសម្រេចលេខ ១២២៧ សសរ ចុះថ្ងៃទី២៥ ខែវិច្ឆិកា ឆ្នាំ២០២៤ លោក ឡុង ឆ័យណាវ ត្រូវបានតែងតាំងជាប្រធានក្រុមប្រឹក្សាពិគ្រោះយោបល់ របស់សមាគមសម្ព័ន្ធសារព័ត៌មានឯករាជ្យ (IPA) និងមានអនុប្រធាន ចំនួន ១៦រូប ព្រមទាំងសមាជិក សមាជិកា ចំនួន ២៤រូបផងដែរ៕