លោក ហ៊ូវ ជីវៃ ជាមេឈ្មួញជើងខ្លាំងប្រចាំខេត្តរតនគីរី បច្ចុប្បន្នបាននិងកំពុងគៀងគរគ្នីគ្នាចូលកាប់បំផ្លាញ់ផលអនុផលព្រៃឈើ ដោយខុសច្បាប់
ខេត្តរតនគីរី៖ល្បីទៀតហើយ! លោក ហ៊ូវ ជីវៃ ជាមេឈ្មួញជើងខ្លាំងប្រចាំខេត្តរតនគីរី បច្ចុប្បន្នបាននិងកំពុងគៀងគរគ្នីគ្នាចូលកាប់បំផ្លាញ់ផលអនុផលព្រៃឈើ ដោយខុសច្បាប់ ចេញពីស្រុកចំនួន.៣ ជារៀងរាល់ថ្ងៃយ៉ាងគគ្រឹកគគ្រេង (ទី១)ក្នុងស្រុកអណ្ដូងមាស (ទី២)ស្រុកវើនសៃ និង(ទី៣)នៅស្រុកកោះញែក រួចហើយដឹកជញ្ជូនឆ្លងដែនយកទៅលក់នៅប្រទេសវៀតណាម តាមច្រកព្រំដែនអូរយ៉ាដាវ យ៉ាងពេញបន្ទុក!
ប្រភពសារព័ត៌មានចេញពីប្រជាពលរដ្ឋបានរាយការណ៍មកថា៖ មេឈ្មួញដ៏ល្បី ឈ្មោះ ហ៊ូវ ជីវៃ ម្នាក់នេះ បានផ្អាកដឹកជញ្ជូនផលអនុផលព្រៃឈើ ដោយខុសច្បាប់តែមួយរយៈពេលខ្លីប៉ុណ្ណោះ! ប៉ុន្តែឥឡូវនេះ មេឈ្មួញជើងចាស់ ប្រចាំខេត្តរតនគីរីម្នាក់នេះ កំពុងសម្រុកដឹកជញ្ជួនឈើ ខុសច្បាប់ សារជាថ្មី តាំងពីបានស្គាល់ចិត្តស្គាល់ថ្លើមជាមួយ លោក ញ៉ែម សំអឿន អភិបាលខេត្តរតនគិរី ទើបតែឡើងកាន់តំណែងថ្មីៗនោះ។
ប្រភពបានបន្តទៀត
ពីពលរដ្ឋនាំគ្នាដាក់ការសង្ស័យថា ៖ទំនង លោក ញ៉ែម សំអឿន អភិបាលខេត្តរតនគិរី បានបើកភ្លើងខៀវ ឲ្យមេឈ្មួញឈ្មោះ ហ៊ូវ ជីវ៉ៃ ដឹកជញ្ជូនផលអនុផលព្រៃឈើ ខុសច្បាប់ ចេញពីស្រុកអណ្ដូងមាស ស្រុកវើនសៃ ស្រុកកោះញែក ឆ្លងដែនទៅលក់នៅប្រទេសវៀតណាម តាមច្រកទ្វារព្រំដែនអូរយ៉ាដាវ បានទៅដោយរលូន! ដោយសារតែលោកញ៉ែម សំអឿន អភិបាលខេត្តរតនគិរី បានបញ្ជារួចហើយថាបើមានស្ថាប័នណាផ្សេងៗចូលមកក្នុងមូលដ្ឋានយើង ត្រូវសួរនាំឲ្យបានច្បាស់លាស់ កន្លងមកលោកញ៉ែម សំអឿន អភិបាលខេត្តរតនគិរី ធ្លាប់លើកឡើងថា អ្នកកាសែតជជុះ ក្រោយមកបង្គាប់ឲ្យ អាវុធហត្ថ ថ្នាក់ជាតិ ថ្នាក់ក្រោមជាតិ ត្រូវតែហៅមកសួរនាំ បើហួសបេសកកម្ម គឺមិនឲ្យធ្វើសកម្មភាពអ្វីៗនៅក្នុងមូលដ្ឋានយើងនេះបានឡើយ! រីឯពាក្យថាអ្នកកាសែតជជុះដូចគ្នាដែរនេះ ជាសំណេរ ដែលត្រួសត្រាយផ្លូវ ដើម្បីឲ្យមេឈ្មួញឈ្មោះ ហ៊ូវ ជីវ៉ៃ ប្រចាំខេត្តរតនគិរី នោះ ដំណើរការដឹកជញ្ជូនឈើ ខុសច្បាប់ ឆ្លងដែនទៅលក់នៅប្រទេសវៀតណាមបានដោយសុវត្ថិភាពផងដែរ។
បងប្អូនប្រជាពលរដ្ឋជនជាតិដើមភាគតិច និងប្រជាពលរដ្ឋដែលរស់នៅក្នុងមូលដ្ឋានស្រុកទាំងបីរួមមាន ស្រុកអណ្ដូងមាស ស្រុកវើនសៃ និងស្រុកកោះញែក ពួកគាត់នាំគ្នាសូមសំណូមពរ ទៅដល់ ឯកឧត្តម សាយ សំអាល រដ្ឋមន្ត្រីក្រសួង បរិស្ថាន ជាពិសេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយុទ្ធពលខេមរ:ភូមិន្ន និងជាមេបញ្ជាការកងរាជអាវុធហត្ថ លើផ្ទៃប្រទេស បង្ក្រាបធនធានធម្មជាតិ! សូមឯកឧត្តម មេត្តាចាត់វិធានការ ស៊ើបអង្កេតមេឈ្មួញជើងខ្លាំង ឈ្មោះ ហ៊ូវ ជីវៃ ម្នាក់នេះផង ដោយសារឥឡូវនេះបានសម្រុកដឹកជញ្ជូនផលអនុផលព្រៃឈើខុសច្បាប់ ឆ្លងដែនទៅលក់នៅប្រទេសវៀតណាម យ៉ាងគឃ្លើនមិនថាថ្ងៃឬយប់ឡើយ! ៕