អាជ្ញាធរចុះរៀបចំសណ្តាប់ធ្នាប់ និងធ្វើអនាម័យជុំវិញផ្សារបានលុង ឱ្យមានរបៀបរៀបរយ ក្នុងសង្កាត់ ឡាបានសៀក
ខេត្តរតនគិរី៖នៅ ព្រឹកថ្ងៃទី១០ ខែកក្កដា ឆ្នាំ២០២២ ដោយមានការចង្អុលបង្ហាញពី ឯកឧត្តម ញ៉ែម សំអឿន អភិបាល នៃគណៈអភិបាល ខេត្តរតនគិរី
និង ថ្នាក់ដឹកនាំគ្រប់ជាន់ថ្នាក់ បានណែនាំឱ្យចុះរៀបចំសណ្តាប់ធ្នាប់ អនាម័យជុំវិញផ្សារបានលុង ឱ្យមានរបៀបរៀបរយ។
លោកចៅសង្កាត់ ឡាបានសៀកដឹកនាំកម្លាំង ប្រជាការពារ រួមនឹងកម្លាំងប៉ុស្តិ៍សង្កាត់រដ្ឋបាលបានសៀកចុះណែនាំ អាជីវករដែលលក់ដូរប្រកបអាជីវកម្មនៅលើដីផ្លូវរបស់រដ្ឋឲ្យពួកគាត់ ថយក្រោយនិងឈប់លក់ដូរលើចំណីផ្លូវរបស់រដ្ឋតទៅទៀតដែលធ្វើ ឱ្យខូចសណ្តាប់ធ្នាប់សម្ពន្ធភាពនិងអនាម័យនៅក្នុងក្រុងបានលុង ។
តាមប្រភពពីប្រជាពលរដ្ឋបានឲ្យដឹងថា៖អាជីវករលក់ដូរនៅលើផ្លូវរដ្ឋ ទាំងនេះគាត់ត្រូវចំណាយលុយទៅឲ្យខាងអ្នកគ្រប់គ្រងផ្សារជារៀងរាល់ថ្ងៃដូចនេះ ហើយបានពួកគាត់លក់រហូត ពេលដែលអាជ្ញាធរចុះទៅរៀបចំ សណ្ដាប់ធ្នាប់ពួកគាត់រុះរើតែរយៈពេលខ្លីតែប៉ុណ្ណោះថ្ងៃក្រោយមក ទៀតគាត់ដាក់តាំងលក់ដដែល។
អាជ្ញាធរសង្កាត់ឡាបាសៀកបានសំណូមពរដល់អាជីវករដែល លក់ដូរនៅលើដីផ្លូវរបស់រដ្ឋមេត្តាជួយសហការដើម្បីសង្កាត់ល្អក្រុងល្អ និងខេត្តល្អមានសណ្តាប់ធ្នាប់រៀបរយនិងចៀសវាងការចង្អៀតនិង គ្រោះថ្នាក់ចរាចរណ៍ដោយប្រការណាមួយ៕ដោយ៖លោក ថោង ប៊ុណ្ណារ៉ា
