ពិតជាខ្លាំងមែនរណ្ដៅដីខ្នាតយក្សដែលមានជម្រៅដល់ក្បាលប្រែក្បាលប្រេតរីឯមន្ទីររ៉ែខេត្ត និងមន្ទីរពាក់ព័ន្ធ រក្សាភាពស្ងៀមស្ងាត់ហាក់មិនអើពើក្នុងការចុះពិនិត្យសង្ស័យតែ…!!!
ខេត្តសៀមរាប៖មានរណ្តៅដីមួយកន្លែងដែលមានជំរៅរាប់សិបម៉ែតនិងទំហំរាប់មុឺនម៉ែតការ៉េកំពុងតែប្រើគ្រឿងចក្រជាច្រើនគ្រឿង ជីកយកអាចម៍ដីដឹកយកទៅលក់គ្រប់ទីកន្លែង កំពុងតែផ្គើនទៅលើលិខិតអនុញ្ញាត្តិ របស់មន្ទីររ៉ែថមពលខេត្តសៀមរាប ប៉ុន្តែ ការអនុវត្តជីកយកអាចម៍ដីនេះមានជម្រៅជ្រៅរយម៉ែត្រឯណ្ណោះរណ្តៅដីខ្នាតយក្សមួយនេះដែរ ស្ថិតក្នុង សង្កាត់ស្រង៉ែ ក្រុង សៀមរាប ខេត្តសៀមរាប
បើតាមប្រភពពីប្រជាពលរដ្ឋដែលរស់នៅទីនោះបានសម្តែងការព្រួយបារម្ភជាខ្លាំង ចំពោះរណ្តៅដីដ៍សែនជ្រៅ វាអាចបង្ករហានិភ័យសម្រាប់ពួកគាត់ ហើយរណ្តៅដីមួយកន្លែងនេះ ត្រូវបានគេស្គាល់ម្ចាស់អាជីវកម្ម ឈ្មោះលោក ស្រី អេង សុខហ្គិច ជាអ្នកធំដ៏ល្បីល្បាញម្នាក់នៅខេត្តសៀមរាប ហើយក៏ជាអ្នកធ្វើអាជីវកម្មមុខជំនួញដ៏ល្បីគ្រាក់ៗប្រចាំខេត្តផងដែរ ។
គេសង្កេតឃើញថា ក្នុងបរិវេណរណ្តៅដីដែលកំពុងជីកយកអាចម៍ដីនោះដែរ គឺមានរណ្តៅចាស់ៗជាច្រើនកន្លែងទៀត សុទ្ធតែមានជម្រៅជ្រៅៗ ដែលម្ចាស់អាជីវកម្មមានឈ្មោះខាងលើ បានជីកយកអាចម៍ដីហើយពុំមានធ្វើរបងព័ទ្ធជុំវិញអោយបានត្រឹមត្រូវនោះទេ ដើម្បីការពារជៀសវាង ដែលអាចបង្ករអោយមានគ្រោះថ្នាក់ដល់ក្មេងតូចៗ នឹងសត្វពាហនៈគោ ក្របី អាចនឹងធ្លាក់ចូលស្លាប់បាត់បង់ជីវិតម្យ៉ាងវិញមួយទៀតក្រុមអ្នកបើករថយន្តដឹកដីវិញ គឺមិនបានគ្របប៉ាតង់ឲ្យបានត្រឹមត្រូវនោះទេ ដីធ្លាក់រប៉ាត់រប៉ាយហុយទ្រលោមតាមភូមិដែលជាហេតុបង្ករអោយមានការហុយធូលីដីចូលពេញផ្ទះនិងបណ្តាលអោយមានជំងឺទៀតផង។
បើមើលកាយវិការអ្នកបើកបរវិញគឺជាន់លឿនដូចកាំជ្រួចឆ្លងទ្វីប ដោយមិនខ្វល់ពីបញ្ហាគ្រោះថ្នាក់ចរាចរណ៍និង អាយុជីវិតរបស់ប្រជាពលរដ្ឋដែលធ្វើដំណើរតាមផ្លូវនៅចំណុចភូមិសង្កាត់ខាងលើនោះទេ។
ពាក់ពន្ធ័ករណីរណ្តៅដីខាងលើ ដែលកន្លងមកថ្មីៗនេះ បណ្តាញសារព័ត៌មានយើងខ្ញុំធ្លាប់បានធ្វើការទំនាក់ទំនងទៅលោក នួន ពុទ្ធារ៉ា អភិបាលក្រុងសៀមរាប ដើម្បីសាកសួរចំពោះទីតាំងដែលម្ចាស់អាជីវកម្មកំពុងជីកយកអាចម៍ដីដ៍ចាស់វស្សា មកហើយនោះ គឺជាតំបន់ស្រប់ទៅតាមច្បាប់ដែរឬទេ? លោកបានប្រាប់ឲ្យដឹងថា វាជាតំបន់ដែលស្ថិតនៅក្នុងផ្ទៃបាតអាងដើម្បីស្តុកទឹកអោយប្រជាពលរដ្ឋធ្វើស្រែនោះទេ ពុំមានការពាក់ព័ន្ធហាមឃាត់នោះឡើយ
លោកបន្តទៀតថា រាល់ការស្នើសុំគឺមានអាជ្ញាបណ្ណ័ពីរដ្ឋបាលខេត្តសៀមរាបតែមួយរយៈចុងក្រោយលោកពុំបានដឹងថានៅមានសពុលភាពបន្តនោះដែលបើបងប្អូនអ្នកសារព័ត៌មានចង់ដឹងអាចទំនាក់ទំនងជាមួយមន្ទីររ៉ែថាមពលនឹងមន្ទីរបរិស្ថានខេត្តទៅដឹងហើយ។
ចំណែកលោក ឡេង លាត ប្រធានមន្ទីររ៉ែថាមពលខេត្តសៀមរាប បណ្តាញព័ត៌មានយើងខ្ញុំធ្លាប់បានទំនាក់ទំនងខលតាមទូរស័ព្ទដើម្បីសុំធ្វើបទសម្ភាសន៍ទៅលើអាជីវកម្មមួយនេះ តើមានច្បាប់អនុញ្ញាត្តិដែរឬទេ និងកំណត់ជម្រៅអោយជីកជម្រៅប៉ុន្មានម៉ែត្រ ដើម្បីស្របទៅតាមច្បាប់អនុញ្ញាត្តិដែរឬទេ ព្រោះជាក់ស្តែងការជីកយកអាចម៍ដីរបស់ម្ចាស់អាជីវកម្មបានធ្វើការជីកមានជម្រៅជ្រៅស្ទើរតែដល់ក្បាលប្រែតទៅហើយនោះ និងបង្កផលប៉ះពាល់ទៅដល់រ៉ែធន់ធានធម្មជាតិផ្សេងៗ។
លោកបានប្រាប់ថា សូមទៅមើលនិងសួរទៅសាលាខេត្តទៅឬទៅមើលច្បាប់នៅច្រកទៅដឹងហើយរីឯ លោក សុិន គង់ ប្រធានមន្ទីបរិស្ថាខេត្តសៀមរាប ខលចូលមិនមានការឆ្លើយតប។
ប្រជាពលរដ្ឋសំណូមពរទៅដល់អាជ្ញាធរជំនាញពាក់ពន្ធ័ទាំងអស់ ជាពិសេសឯកឧត្តម ទៀ សីហា អភិបាលខេត្តសៀមរាប គួរមានវិធានការពិនិត្យទៅលើរណ្តៅដីខ្នាត់យក្សមួយនេះផងនិងមានជំរៅដ៍ជ្រៅមហិមាដែលផ្គើនច្បាប់អនុញ្ញាត្តិនេះផងទាន៕
ការិយាល័យយើងខ្ញុំរង់ចាំការបំភ្លឺរៀងរាល់ម៉ោងធ្វើការ ដោយ៖លោក ម៉ាន់ មី ០៩!!
