ឯកឧត្តម អ៊ុំ រាត្រី ដឹកនាំកម្លាំងចុះបិទផ្សារចំការគរ ហៅផ្សារថ្មី បណ្តោះអាសន្ន
ខេត្តបន្ទាយមានជ័យ៖ នៅថ្ងៃចន្ទ ៩រោច ខែទុតិយាសាឍ ឆ្នាំឆ្លូវ ត្រីស័ក ពស២៥៦៥ ត្រូវនឹងថ្ងៃទី២ ខែសីហា ឆ្នាំ២០២១នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក ហ៊ឹល រ៉ាយ៉ា ប្រធានគណបញ្ជាការឯកភាព ក្រុងសិរីសោភ័ណ ដឹកនាំកងកម្លាំងចម្រុះ ចុះទៅបិទផ្សារចំការគរ(ហៅផ្សារថ្មី) ជាបណ្ដោះអាសន្ន ក្រោយពីមានករណីវិជ្ជមានកូវីដ-១៩ លើអាជីវករលក់ដូរនៅផ្សារខាងលេី ។ ហើយអាជ្ញាធរបានធ្វេីការអញ្ជេីញអ្នកពាក់ព័ន្ធ បងប្អូនអាជីវករនៅក្នុងផ្សារ ចំការ គរ ដើម្បីយកសំណាក ធ្វើតេស្ត រហ័ស រកកូវីដ-១៩។
ឃើញលទ្ធផលបឋមគិតត្រឹមម៉ោង១១ និង០០នាទី រកឃេីញ២ករណី ហើយខណៈពេលនេះក្រុមគ្រូពេទ្យ កំពុងបន្ត យ៉ាង សកម្ម ក្នុងការយកសំណាកបងប្អូនប្រជាពលរដ្ឋនិងអាជីវករ ។ ចូលរួមទាំងអស់គ្នា អនុវត្តន៍តាមវិធានការណ៍របស់រាជរដ្ឋាភិបាលកម្ពុជា ៣កុំ ៣ការពារ ដើម្បី ទប់ស្កាត់ការរីករាលដាលនិងជៀសផុតពីជម្ងឺកូវិដ-១៩៕
