ឯកឧត្ដម អ៊ូ វណ្ណា ប្រគល់អំណោយឯកឧត្តមអភិសន្តិបណ្ឌិត ស សុខា និងលោកជំទាវ ដល់មណ្ឌលកុមារកំព្រា វិសាខា នៃក្ដីសង្ឃឹមវត្តខ្ចាស់
ចេញផ្សាយថ្ងៃពុធ ១០ កើត ខែស្រាពណ៍ ឆ្នាំរោង
ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៤ ខែសីហា ឆ្នាំ២០២៤
ដោយ៖ ការិយាល័យ និពន្ធនាយ គេហទំព័រ ម្សិលមិញ ថ្ងៃនេះ
បន្ទាយមានជ័យ ៖ រសៀលថ្ងៃទី១៤ ខែសីហា ឆ្នាំ២០២៤ នេះ ឯកឧត្ដម អ៊ូ វណ្ណា ប្រធានក្រុមប្រឹក្សាភិបាលមណ្ឌលកុមារកំព្រា វិសាខា នៃក្ដីសង្ឃឹមវត្តខ្ចាស់ ជាតំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ប្រធានកិត្តិយសមណ្ឌលកុមារកំព្រា វិសាខា នៃក្តីសង្ឃឹមវត្តខ្ចាស់ បានអញ្ជើញដឹកនាំកិច្ចប្រជុំស្ដីពីវឌ្ឍនភាពការងាររបស់មណ្ឌលកុមារកំព្រា វិសាខា នៃក្ដីសង្ឃឹមវត្តខ្ចាស់។
ក្នុងឱកាសនោះ ឯកឧត្តម អ៊ូ វណ្ណា ក៏បាននាំយកអំណោយឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី រួមមាន ៖ រថយន្ត ចំនួន ១គ្រឿង, អង្ករ ចំនួន ១តោន, មី ចំនួន ១០កេស, ទឹកបរិសុទ្ធ ចំនួន ១០កេស, ទឹកក្រូច ចំនួន ១០កេស, ទឹកដោះគោ ចំនួន ៣០កេស និងសម្ភារសិក្សាមួយចំនួន ប្រគល់ជូនដល់មណ្ឌលកុមារកំព្រា វិសាខា នៃក្តីសង្ឃឹមវត្តខ្ចាស់។ ក្នុងនោះដែរ ឯកឧត្តមប្រធានក្រុមប្រឹក្សាភិបាល ក៏បានឧបត្ថម្ភថវិកាដល់កុមារកំព្រាក្នុងមណ្ឌល ចំនួន ៧១នាក់ ដោយក្នុងម្នាក់ៗថវិកា ចំនួន ៤ម៉ឺនរៀល៕
