តើលោក មករា បើកទីតាំងជល់មាន់ នៅខេត្តរតនគិរី យ៉ាងរលូន ដូចជាមិនមានអាជ្ញាធរ និង សមត្ថកិច្ចបង្រ្កាបឡើង
ខេត្តរតនគិរី៖ ដោយ យោង តាម ការផ្សព្វផ្សាយ របស់ បណ្តា សារព័ត៌មាន និង តាម ប្រភព រាយការណ៍ ឲ្យដឹងថា រាល់ ថ្ងៃនេះ ចាប់ផ្តើម កក្រើក សារជាថ្មី និង កំពុងតែល្បីខ្លាំង ថាទីតាំង ជល់មាន់ មួយ កន្លែង ស្ថិតនៅភូមិថ្មី ឃុំ ទីនចាន់ ស្រុកបកែវ ខេត្ត រតនគិរី បើកលេងជារៀង រាល់ ថ្ងៃ (ពោលគឺមួយ សប្តាហ៍ លេង ៧ ថ្ងៃតែម្តង) តែមិនមាន អាជ្ញាធរ មានសមត្ថកិច្ច ណាម្នាក់ រវល់អើពើ ធ្វើការ បង្ក្រាប ឡើយ សង្ស័យ ម្ចាស់សង្វៀន សែនត្រូវ អស់ ហើយ។ ដោយ យោង តាមប្រភព ច្បាស់ការ បានឲ្យដឹងថា ឈ្មោះ មករា ជាមេការ គ្រប់គ្រង សង្វៀនជល់ មាន់មួយនេះ ។
បើ យោង តាម ប្រភព ព័ត៌មាន ដែល បានផ្តល់ អោយ កាលពីថ្ងៃទី១៤ ខែមករា ឆ្នាំ២០២២ នេះ បាន អោយ ដឹង ថា ទីតាំង ជល់ មាន់ ខាង លើ នេះ ដែល គេ ស្គាល់ ច្បាស់ ថា មាន មន្ត្រី ម្នាក់ មានឋាន: ធំ គ្រាន់ បើ ដែរ ជា អ្នក រត់ ការ ដើម្បី បើក លេង បាន ជា រៀង រាល់ ថ្ងៃ ដោយ មិន មាន សមត្ថកិច្ច ណា ម្នាក់ បង្ក្រាប ឡើយ ព្រោះ គេ និយាយ គ្នា ត្រូវ អស់ ហើយ ទន្ទឹម នឹង នោះ ក៏មាន មេការ ម្នាក់ ឈ្មោះ លោក មករា ដែលជា អ្នកគ្រប់គ្រង ទីតាំង ជល់មាន់ មួយនេះ ។
ក្នុង នោះ ដែរ ក៏ មាន ការ លើក ឡើង ពី ប្រជាពល រដ្ឋ ដែលរស់ នៅតំបន់ ខាងលើ បានលើក ឡើង នៃ ការ ព្រួយ បារម្មណ៍ អំពីសេចក្តីសុខ សុវត្ថិភាព ក្នុងការ រស់នៅ របស់ ពួកគាត់ ព្រោះ គាត់គិត ថា បើ ទីតាំង ណា មាន បើកលេង ល្បែង ស៊ីសង ទីតាំង នោះ មិន យូរ ទេ នឹង អាច កើត មាន អំពើរ ចោរកម្ម ផ្សេងៗ ជាក់ ជា មិន ខាន។
ជុំ វិញ ករណី ល្បែង ស៊ីសង ខាង លើ នេះ អង្គភាព សារព័ត៌មាន យើង ក៏ រាយការណ៍ ជូន លោក យិន ចំណាន ស្នងការ នគរបាល ខេត្ត រតនគិរី ផងដែរ ដោយ លោក បាន លើក ឡើង ថា ទីតាំង មួយនេះ កន្លង មក លោក ធ្លាប់ បញ្ជារ ស្នងការ រង ចុះ បង្ក្រាប បិទ ម្តង មក ហើយ តែ បើ នៅ មាន ទៀត ចាំ លោក នឹង បញ្ជា ទៅ អធិការ ស្រុក បកែវ ម្តងទៀត ដើម្បី ឈាន ដល់ ការ បង្ក្រាប ។
ដូច្នេះ ក៏ សូម សំណូមពរ ដល់ មន្ត្រី មាន សមត្ថកិច្ច ក្នុង មូលដ្ឋាន ជា ពិសេស ស្នងការ នគរបាល ខេត្ត រតនគិរី សូម មេត្តា មាន វិធានការ បង្ក្រាប នឹង ទប់ស្កាត់ ដើម្បី រក្សា អោយ បាន នូវ ភូមិ ឃុំ មាន សុវត្ថិភាព ទាំង ៩ ចំណុច នឹង ដើម្បី សេចក្តី សុខ សុវត្ថិភាព របស់ ប្រជាពលរដ្ឋ ទាំងអស់ គ្នា ផង ទាន ៕ដោយ៖ការិយាល័យនិពន្ធនាយក
