មេឈ្មួញឈើជើងខ្លាំង ឈ្មោះ ចែ យ៉ាន នឹងប្តី ឈ្មោះ ភ័ក្ត្រ
ជាមេឈ្មួញជើងខ្លាំងប្រចាំ
ខេត្តឧត្ដរមានជ័យ ក្នុងស្រុកត្រពាំងប្រសាទ បច្ចុប្បន្នបាននិងកំពុងគៀងគរគ្នីគ្នាចូលកាប់បំផ្លាញ់ផលអនុផលព្រៃឈើ ដោយខុសច្បាប់
ឧត្ដរមានជ័យ៖ប្រភពពីប្រជាពលរដ្ឋ ក្នុងភូមិទំនប់ថ្មី ឃុំត្រពាំងប្រសាទ បានឲ្យដឹងថា មេឈ្មួញជើងខ្លាំង បំផ្លាញព្រៃឈើឈ្មោះ យ៉ាន ហៅ ចែ ប្រជ្រុយ ប្ដីឈ្មោះ ភ័ក្ត្រ ជាទាហានអន្តរាគមន៍កងពលលេខ ៦ ចាំកាងពីក្រោយ ទើបបុគ្គលរូបនេះ ហ៊ានសម្រុកដឹកជញ្ជូនឈើ យកទៅស្តុកទុកនៅក្នុងភូមិអូរអា មានរថយន្តរបស់ក្រុមឈ្មួញ ដឹកបន្តឆ្លងចូលទៅខេត្តសៀមរាបយ៉ាងរលូន គ្មានមេរដ្ឋបាលព្រៃឈើខេត្តឧត្តរមានជ័យ និងអាវុធហត្ថស្រុកត្រពាំងប្រសាទ មិនចាត់វិធានការបង្ក្រាប សម្ងំទទួលផលជាថ្នូរ។
ប្រភពបានប្រាប់ឱ្យដឹងទៀតថា៖មេឈ្មួញដឹកជញ្ជូនឈើ ឈ្មោះ ចែ យ៉ាន នឹងប្តីឈ្មោះ ភ័ក្ត្រ បានដឹកជញ្ជូនឈើខុសច្បាប់ ពីខេត្តឧត្តរមានជ័យ ចូលទៅខេត្តសៀមរាបតាមអំពើចិត្ត
បើសមត្ថកិច្ចពាក់ព័ន្ធតាមដងផ្លូវ មិនមានវិធានការបង្ក្រាបនោះទេ ព្រោះឈ្មួញរូបនេះ បានបង់លុយអស់ហើយ ទើបរក្សាភាពស្ងៀមស្ងាត់។
ប្រជាពលរដ្ឋ រស់នៅភូមិទំនប់ថ្មី ឃុំត្រពាំងប្រសាទ ស្រុកត្រពាំងប្រាសាទ សូមសំណូមពរ ទៅដល់ ឯកឧត្តម សាយ សំអាល រដ្ឋមន្ត្រីក្រសួង បរិស្ថាន ជាពិសេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយុទ្ធពលខេមរ:ភូមិន្ន និងជាមេបញ្ជាការកងរាជអាវុធហត្ថ លើផ្ទៃប្រទេស បង្ក្រាបធនធានធម្មជាតិ! សូមឯកឧត្តម មេត្តាចាត់វិធានការ ស៊ើបអង្កេតមេឈ្មួញជើងខ្លាំងឈ្មោះ ចែ យ៉ាន និងប្តីឈ្មោះ ភ័ក្ត្រ ផងដោយសារឥឡូវនេះបានសម្រុកដឹកជញ្ជូនផលអនុផលព្រៃឈើខុសច្បាប់ ឆ្លងទៅខេត្តសៀមរាប យ៉ាងគឃ្លើនមិនថាថ្ងៃឬយប់ឡើយ ៕ដោយ៖ការិយាល័យនិពន្ធនាយក
