តើលោក យឹម វិចិត្រ ត្រូវបានស្នងការ ខេត្តបាត់ដំបង សម្រចឲ្យទៅបម្រើ នៅអង្គភាពដូចដើមវិញ ពេលខាងមុខទៀតមានអ្វីកើតឡើង

តើលោក យឹម វិចិត្រ ត្រូវបានស្នងការ ខេត្តបាត់ដំបង សម្រចឲ្យទៅបម្រើ នៅអង្គភាពដូចដើមវិញ ពេលខាងមុខទៀតមានអ្វីកើតឡើង

បាត់ដំបង៖ មិនទាន់នឹងភ្លេចខ្លួនផងលោក យឹម វិចិត្រ មេបញ្ជាការវរសេនាតូច នគរបាលការពារព្រំដែនគោកលេខ៨២៣ ដែលត្រូវស្នងការនគរបាលខេត្តបាត់ដំបង ផ្អាកការងារបណ្ដោះអាសន្នពីមេបញ្ជាការឲ្យមកទទួលទណ្ឌកម្ម នឹងវិន័យនៅស្នងការនគរបាលខេត្ត ក្រោយពីមានកំហុសខុសឆ្គងយកអាយកូមវាយទៅលើមន្ត្រីរបស់ខ្លួន ក្នុងចំណោមមនុស្សជាច្រើន។

ឥឡូវត្រូវបានលោកស្នងការសម្រេចបញ្ជូនឲ្យទៅបម្រើការងារនៅអង្គភាពដូចដើមវិញ
តែកងកម្លាំងដែលលោកផ្លាប់ដឹកនាំដូចជាមិនសប្បាយចិត្តនិងមិនអាចទទួលយកបានសូមអោយថ្នាក់លើដាក់មេបញ្ជាការផ្សេង។

យោងតាមការបែកធ្លាយលិខិតបង្គាប់ការ១ច្បាប់ របស់លោកឧត្តមសេនីយ៍ទោ សាត គឹមសានស្នងការនគរបាលខេត្តបាត់ដំបងចុះថ្ងៃទី១១ ខែសីហា ឆ្នាំ២០២១ ស្ដីពីការចាត់បញ្ជូនមន្ត្រីនគរបាលជាតិឲ្យចូលបម្រើការងារក្នុងអង្គភាពដូចដើមវិញ ។
ដោយសេចក្តីសម្រេចប្រការ១ ត្រូវបានបញ្ជូនលោកវរសេនីយ៍ឯកយឹម វិចិត្រអត្តលេខ០៧៧៤៦ ឋានៈជាមេបញ្ជាការនៃវរសេនាតូចនគរបាលការពាព្រំដែនគោកលេខ៨២៣ ចំណុះឲ្យស្នងការនគរបាលខេត្តបាត់ដំបង ឲ្យចូលបម្រើការងារក្នុងអង្គភាពដូចដើមវិញ ។
ក្នុងសេចក្តីសម្រេចនេះដែរប្រការ២ ឲ្យលោកវរសេនីយ៍ឯក យឹម វិចិត្រ ត្រូវកែប្រែនូវកំហុស ឆ្គងរបស់ខ្លួននិងអនុវត្តឲ្យបានត្រឹមត្រូវតាមវិន័យរបស់កងកម្លាំងនគរបាលជាតិ ក្នុងករណីនៅតែប្រព្រឹត្តកំហុសឆ្គងលើកទី២ ទៀតនោះស្នងការនគរបាលខេត្តបាត់ដំបង និងមានវិធានការជាក់ស្ដែងតាមវិន័យរបស់កងកម្លាំងនគរបាលជាតិ។

ជុំវិញសេចក្តីសម្រេចរបស់ស្នងការនគរបាលខេត្តបាត់ដំបង បានដាក់ឲ្យលោកយឹម វិចិត្រ ដែលជាមនុស្សពោរពេញទៅដោយរឿងអាស្រូវនិងកំហុសឆ្គងនានាពេលកន្លងមកតាំងពីលោកនៅជាអធិការនគរបាលរហូតដល់មេបញ្ជាការនគរបាលវរៈការពារព្រំដែនគោកលេខ៨២៣
ក្នុងនោះធ្វើឲ្យកងកម្លាំងនៃវរសេនាតូចការពារព្រំដែនលេខ៨២៣ មិនសប្បាយចិត្ត ថែមទាំងទឹងទ្រូងស្ទើរធ្លាយនិយាយមិនកើតដោយមិនអាចបដិសេធបាននូវសេចក្តីសម្រេចរបស់ថ្នាក់លើបាន ទាំងមិនអាចទទួលបាននូវការត្រឡប់មកដឹកនាំពួកគាត់ជាថ្មីម្តងទៀត របស់លោកយឹម វិចិត្រ
ស្នើសុំឲ្យថ្នាក់លើដាក់អ្នកផ្សេងក្រៅពីលោក យឹម វិចិត្រ មកជំនួសវិញឬក៏ដាក់ អ្នកកំពុងដឹកនាំក៏បានដែរ។

សូមបញ្ជាក់ថា៖ លោកយឹម វិចិត្រ ត្រូវបានលោកស្នងការនគរបាលខេត្តផ្អាកការងារ បណ្ដោះអាសន្នពីមេបញ្ជាការវរសេនាតូចនគរបាលការពារព្រំដែនគោកលេខ៨២៣ កាលពីថ្ងៃទី០៣ ខែមិថុនា ឆ្នាំ២០២១ បន្ទាប់ពីរូបលោកបានប្រព្រឹត្តអំពើមិនគប្បី បានយកអាយកូមវាយក្បាល កូនចៅរបស់ខ្លួនជានាយរងផ្នែកម្នាក់ឲ្យរងរបួសថ្ងាសក្នុងចំណោមមនុស្សជាច្រើន ។

ការចាត់បញ្ជូនលោក យឹម វិចិត្រ ឲ្យទៅបម្រើការងារនៅអង្គភាពដូចដើមវិញគឺ យោងទៅ លើការពិនិត្យជាក់ស្ដែង របស់លោកវរសេនីយ៍ឯក យឹម វិចិត្រ បានកែប្រែ កំហុសឆ្គងដែល ខ្លួនបាន ប្រព្រឹត្តកន្លងមកនៅការិយាល័យបុគ្គលិកនៃស្នងការនគរបាល ខេត្តបាត់ដំបង។

មហាជនកំពុងតែទន្ទឹងចាំមើលតើនៅពេលដែលលោកយឹម វិចិត្រ ចូលទៅកាន់ តំណែងរបស់ខ្លួនវិញតើមានរឿងអ្វីកើតឡើង ព្រោះថា៖កន្លងមក លោកយឹម វិចិត្រ តែងមានបញ្ហាផ្ទៃក្នុងនិងរឿងអាស្រូវជាញឹកញាប់៕ដោយលោក វ៉ៃ វណ្ណះ